Na dnie Bałtyjskaha mora znajšli try patanułyja karabli XVIII stahodździa
Dackija archieołahi znajšli na dnie Bałtyjskaha mora try patanułyja karabli, jakim bolš za 300 hadoŭ. Jak miarkujecca, dva hruzavyja sudny — hałandskija, adno — skandynaŭskaje. Pra heta paviedamlaje kampanija JD-Contractor, jakaja dała navukoŭcam padvodnaje abstalavańnie.
Trochmiernaja rekanstrukcyja adnaho z karabloŭ
Karabli vydatna zachavalisia dziakujučy tamu, što vody Bałtyki zanadta presnyja dla karabielnych čarviakoŭ. Draby lažać na hłybini 150 mietraŭ. Archieołahi zrabili ich detalizavanyja 3D-rekanstrukcyi.
«Abłomki karabloŭ stajać amal hetak ža, jak i ŭ toj dzień, kali jany zatanuli sotni hadoŭ tamu. Ja ŭsio žyćcio zajmajusia dajvinham i daśledavaŭ sotni karabloŭ, jakija pajšli na dno, ale nikoli nie bačyŭ ničoha padobnaha», — zajaviŭ kiraŭnik ekśpiedycyi Hiert Norman Andersan.
Fihura ŭ vyhladzie drakonavaj hałavy. Jana ŭpryhožvaje nos adnaho z karabloŭ
