Vyniesieny jašče adzin prysud pa sadziejničańni ekstremisckaj dziejnaści
U Mahiloŭskim abłasnym sudzie asudzili palitźniavolenaha Viktara Dzibrova pavodle č. 1 art. 361-4 (sadziejničańnie ekstremisckaj dziejnaści) Kryminalnaha kodeksa. Sudździa Ihar Ziamcoŭ pryznačyŭ Viktaru 2 hady i 6 miesiacaŭ pazbaŭleńnia voli ŭ kałonii va ŭmovach ahulnaha režymu, paviedamlaje «Viasna».
Viktar Dzibroŭ byŭ zatrymany na pačatku žniŭnia 2022 hoda za kamientar, u jakim jon abraziŭ Łukašenku. Za heta była zaviedziena kryminalnaja sprava pavodle art. 368 Kryminalnaha kodeksa.
U kastryčniku 2022 hoda palitviaźnia pieraviali z babrujskaha SIZA-5 ŭ mahiloŭskuju ST № 4.
29 listapada 2022 hoda ŭ zakrytym režymie raspačaŭsia razhlad jahonaj spravy. Pavodle infarmacyi pravaabaroncaŭ, u vyniku jaho sudziać pavodle art. 361-4 KK za sadziejničańnie ekstremisckamu farmiravańniu.
Sudovaje pasiadžeńnie prachodziła ŭ zakrytym režymie, tamu padrabiaznaściaŭ spravy niama. Pra Viktara viadoma, što jon sirata.
Padtrymajcie palitviaźnia: Turma № 4. 212011, h. Mahiloŭ, vuł. Krupskaj, 99A (Viktar Piatrovič Dzibroŭ)