Znajści
Ałharytmičny łacinski varyjant
02.12.2022 / 12:393RusŁacBieł

U efiry «Doždia» spytali, ci kamfortna vajavać rasijanam va Ukrainie. A potym zajavili, što ich nie tak zrazumieli

U efiry rasijskaha telekanała «Dožd́» viadučy zaniepakoiŭsia, ci kamfortna rasijskim vajskoŭcam vajavać va Ukrainie. Paśla skandału hałoŭny redaktar telekanała Cichan Dziadko zajaviŭ, što ich nie tak zrazumieli.

Skrynšot: efir kanała «Dožd́»

«Dožd́» vydaliŭ zapis hetaha efiru sa svaich resursaŭ, adnak jon paśpieŭ razyścisia pa sietcy.

«Adpraŭlajcie nam paviedamleńni na poštu [email protected] abo pišycie nam u naš telehram-bot. <…> My spadziajomsia, što mnohim vajskoŭcam u tym liku my zmahli dapamahčy, naprykład, z ryštunkam i prosta elemientarnymi vyhodami na froncie», — zajaviŭ viadučy telekanała ŭ vypusku prahramy «Tut i ciapier» ad 1 śniežnia.

Sietka imhnienna vybuchnuła abureńniem. U pryvatnaści, hledačy nahadali, što telekanał viaščaje z Łatvii, krainy ES i NATA, tamu jaho padtrymka rasijskaj armii niedapuščalnaja. Inšyja pačali razvažańni na temu, što «dobrych ruskich» nie byvaje.

Paśla krytyki ŭ sietcy hałoŭny redaktar telekanała «Dožd́» Cichan Dziadko pasprabavaŭ apraŭdacca, daŭšy zrazumieć, što viadučaha telekanała nie tak zrazumieli i što havorka išła pra zaklik davać źviestki pra złačynstvy armii RF va Ukrainie.

«Telekanał «Dožd́» nie zajmaŭsia, nie zajmajecca i nie budzie zajmacca dapamohaj z asnaščeńniem rasijskaha vojska — na froncie ci za jaho miežami. Paštovaja skrynia [email protected] stvorana dla zboru asabistych śviedčańniaŭ ab złačynstvach rasijskaha vojska va Ukrainie i ab parušeńniach padčas praviadzieńnia złačynnaj i biessensoŭnaj mabilizacyi ŭ Rasijskaj Fiederacyi», — napisaŭ Cichan Dziadko.

Jon pasprabavaŭ rastłumačyć, što raspaŭsiud infarmacyi pra heta nieabchodna dla ŭśviedamleńnia šyrokaj aŭdytoryjaj złačynnaha charaktaru dziejańniaŭ rasijskaha kiraŭnictva, pačynajučy z 24 lutaha 2022 hoda. Na jaho dumku, praŭdu pra złačynnuju i podłuju vajnu pavinny viedać usie rasijskija hramadzianie, uklučajučy vajskoŭcaŭ i mabilizavanych.

Taksama jon paviedamiŭ, što telekanał vydaliŭ hety frahmient z zapisaŭ efiru, i paprasiŭ prabačeńnia ŭ hledačoŭ.

«Pakolki fraza, jakaja prahučała ŭ efiry, uvodzić u zman našych hledačoŭ, my pryniali rašeńnie nieadkładna vydalić jaje z paŭtoraŭ i z zapisu efiru. My prosim prabačeńnia ŭ našych hledačoŭ», — napisaŭ hałoŭny redaktar telekanała.

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
2
Панылы сорам
57
Ха-ха
7
Ого
4
Сумна
1
Абуральна
19
2
daviedka/adkazać/
02.12.2022
"Dožd́" s jeho libieralnosťju kidajet v krajnosti: to opros o sdačie niemcam Leninhrada, to udobstva na ukrovojnie.
0
je/adkazać/
02.12.2022
Niet nikakich rośsijskich libierałov - jesť chorošo zakonśpirirovannyje! Poetomu hnať vsiech ich nazad zaporiebrik. Počitajtie jeŝio čto eti tak nazyvajemyje «niezavisimyje» žurnalisty iz rf postili v 2014 hodu.
0
Mohu priedstaviť/adkazać/
02.12.2022
Rašisty, kotorych ubivajut, kalečat, moriat hołodom i chołodom v Ukrainie, načnut pisať piśma s žałobami v psievdodiemokratičieskije russkojazyčnyje ŚMI. Tohda čto? Fašistskoje pravitielstvo Rośsii priedostavit im łučšije vozmožnosti ubivať ukrainciev? Ili poleznyje idioty na Zapadie načnut prisyłať tiepłyje vieŝi i produkty, pomohaja kriepostnym rašistam? Jesť poriadočnyje russkije, no oni libo iźbiehajut vojennoj słužby, libo sdajutsia. Vsie ostalnyje libo dobrovolnyje ubijcy, libo hotovy ubivať, no śliškom bojatsia za svoju žałkuju žizń.
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
sakavikkrasavikmaj
PNSRČCPTSBND
1234567
891011121314
15161718192021
22232425262728
2930