Biełaruskaje sałomaplacieńnie ŭnieśli ŭ śpis Suśvietnaj niemateryjalnaj kulturnaj spadčyny JUNIESKA
Rašeńnie ab uniasieńni majsterstva biełaruskaha sałomaplacieńnia ŭ śpis Suśvietnaj niemateryjalnaj kulturnaj spadčyny JUNIESKA pryniata na 17-j siesii Mižuradavaha kamiteta ŭ stalicy Maroka Rabacie.
«Sałomaplacieńnie Biełarusi: tradycyi, ramiastvo, umieńnie» stała piatym biełaruskim abjektam u śpisie.
Raniej u jaho byli ŭniesienyja abrad «Kaladnyja cary» vioski Siemiežava, uračystaść u honar šanavańnia abraza Maci Božaj Budsłaŭskaj u Budsłavie, viasnovy abrad «Jurjeŭski karahod» u vioscy Pahost i kultura lasnoha bortnictva Biełarusi.
«Biełaruskaje sałomaplacieńnie padkreślivaje duchoŭnuju kaštoŭnaść i simvaličnaść materyjału i vyrabaŭ. Niekatoryja vyraby z sałomy majuć asablivaje značeńnie, naprykład, abradavyja vianki i pavuki, jakija, jak ličacca, achoŭvajuć dom ad biady i chvarobaŭ», — paviedamlajecca na sajcie JUNIESKA.
