Na Aleha Talerčyka zaviali dźvie kryminalnyja spravy za intervju
Hienprakuratura zaviała dźvie kryminalnyja spravy ŭ dačynieńni da byłoha supracoŭnika BYPOL Aleha Talerčyka za «sadziejničańnie ekstremisckaj dziejnaści i raspalvańnie sacyjalnaj varožaści i varožniečy».
Aleh Talerčyk sa Śviatłanaj Cichanoŭskaj
Zhodna z materyjałami spraŭ, Talerčyk abvinavačvajecca ŭ tym, što daŭ intervju telekanału «Biełsat», jaki łukašenkaŭcy pryznali «ekstremisckim farmiravańniem».
Padčas intervju Talerčyk nibyta vykazvaŭsia ab pryciahnieńni da kryminalnaj adkaznaści supracoŭnikaŭ biełaruskich pravaachoŭnych orhanaŭ, jakija zastalisia pracavać u sistemie paśla 2020 hoda, praviadzieńni siarod ich lustracyi, a taksama pra «viartańnie z-za miažy sa zbrojaj u rukach».
Aleh Talerčyk — były supracoŭnik Hienieralnaj prakuratury, jaki paśla 2020 hoda padtrymaŭ pratesty i ŭvajšoŭ u skład BYPOL. U kastryčniku hetaha hoda jon, adnak, pakinuŭ arhanizacyju z-za roznahałośsiaŭ z kalehami.
Čytajcie taksama:
«Z-za majho piesimistyčnaha nastroju dalej vyrašyli, kab ja sam nie chvalavaŭsia i inšych nie chvalavaŭ». Były prakuror Aleh Talerčyk raskazaŭ, čamu pakinuŭ BYPOL
