Žycharu Žabinki dali paŭtara hoda kałonii za abrazu Łukašenki i Ejsmant
Sud Biarozaŭskaha rajona vynies prysud žycharu Žabinki Alaksieju Michniuku, abvinavaciŭšy jaho ŭ abrazie Alaksandra Łukašenki (č. 1 art. 368 Kryminalnaha kodeksa) i abrazie pradstaŭnika ŭłady (art. 369), piša «Viasna».
Sud Biarozaŭskaha rajona. Fota: bereza.by
Spravu razhladaŭ sudździa Dźmitryj Kavalevič.
Zhodna z materyjałami kryminalnaj spravy, Alaksiej Michniuk ź nieŭstanoŭlenaj pryłady ŭ ekstremisckich čatach u Telegram nieadnarazova raźmiaščaŭ paviedamleńni, jakija supiarečać ahulnačałaviečaj marali i pry hetym źmiaščajuć vykazvańni ŭ nieprystojnaj formie, jakija źnievažajuć honar i hodnaść Alaksandra Łukašenki. Taksama abvinavačvany raźmiaščaŭ abrazy ŭ adras pres-sakratara Łukašenki Natalli Ejsmant.
U chodzie sudovaha pracesu Michniuk svaju vinu ŭ ździejśnienym pryznaŭ i raskajaŭsia.
Sud Biarozaŭskaha rajona vynies abvinavaŭčy prysud, prysudziŭšy Alaksieju Michniuku pazbaŭleńnie voli ŭ kałonii va ŭmovach ahulnaha režymu terminam na adzin hod i šeść miesiacaŭ.
