Nacbank źniziŭ prahnoz pa ZVR da 6 młrd dalaraŭ
Mižnarodnyja reziervovyja aktyvy Biełarusi na kaniec 2023 hoda składuć nie mienš za $6 młrd. Ab hetym havorycca ŭ zaćvierdžanych ukazam Łukašenki asnoŭnych napramkach hrašova-kredytnaj palityki (ANHKP) na 2023 hod.
Jak raniej paviedamlałasia, u 2023 hodzie hrašova-kredytnaja palityka budzie aryjentavana na zapavoleńnie inflacyi, jakaja vymiarajecca indeksam spažyvieckich cen, da 7—8 pracentaŭ (śniežań 2023 hoda da śniežnia 2022 hoda). U ramkach palityki kantrolu za hrašovym prapanavańniem prahnazujecca pavieličeńnie siaredniaj šyrokaj hrašovaj masy na 12—16 pracentaŭ (śniežań 2023 hoda da śniežnia 2022 hoda), rublovaj hrašovaj bazy na 10—12 pracentaŭ.
Palityka Nacyjanalnaha banka budzie nakiravana na procidziejańnie sistemnym pahrozam finansavaj stabilnaści i na pavyšeńnie mahčymaściej bankaŭ pa kredytnaj padtrymcy ekanomiki va ŭmovach jaje strukturnaj transfarmacyi i adaptacyi arhanizacyj da novych umoŭ funkcyjanavańnia.
Na 1 studzienia 2023 hoda ZVR pavinny składać nie mienš za 7 młrd.
