U Homieli dzicia vypała z mašyny na chadu VIDEA
Incydent adbyŭsia ranicaj 29 listapada na kruhavym skryžavańni vulic Kirava i Kamsamolskaj. Videa apublikavali na YouTube.
Na kadrach vidać, jak lehkavik jedzie pa kalcy. U niejki momant zadnija dźviercy ŭ im adčynilisia i z mašyny na darohu vypała dzicia.
Na ščaście, dzicia adrazu zabrała z prajeznaj častki pasažyrka hetaha ž aŭto, jakaja ź jaho vyskačyła.
Paśla DAI znajšła kiroŭcu aŭtamabila, ź jakoha vypała dzicia. Vyśvietliłasia, što chłopčyku try hady, jon abyšoŭsia tolki spałocham.
Padčas ruchu dzicia nie było pryšpilena, adznačyli ŭ Dziaržaŭtainśpiekcyi. Heta dazvoliła jamu samastojna vybracca ź dziciačaha kresła i adčynić dźviery. 32-hadovamu kiroŭcu — baćku chłopčyka pahražaje štraf u pamiery ad 2 da 8 bazavych vieličyń pa č. 14 art. 18.13 KaAP.