Čyhunka: Z-za niepahadzi na vychadnych spaźnilisia 49 ciahnikoŭ
Pavodle źviestak Biełaruskaj čyhunki, mocnyja śniehapady na vychadnych pryviali da padzieńnia dreŭ na abjekty infrastruktury. Heta stała pryčynaj adklučeńnia elektrazabieśpiačeńnia na asobnych učastkach BČ i zatrymki ciahnikoŭ da troch hadzin, asabliva ŭ Mahiloŭskaj vobłaści.
Fota ilustracyjnaje
Usiaho, pavodle čyhunačnikaŭ, zafiksavana padzieńnie bolš za 1300 dreŭ. Ahulnaja praciahłaść učastkaŭ, na jakich byli adznačanyja zboi ŭ elektrazabieśpiačeńni i pracy srodkaŭ sihnalizacyi i suviazi, skłała 210 km.
Pry hetym na vychadnych na ŭčastkach Mahiloŭ — Kryčaŭ, Kryčaŭ — Białynkavičy, Kryčaŭ — Orša 49 pasažyrskich ciahnikoŭ ruchalisia z adchileńniem ad ustanoŭlenaha hrafika ruchu. Zatrymka składała ad 7 chvilin da 2 hadzin 54 chvilin.
29 listapada taksama nazirajucca zatrymki ŭ ruchu ciahnikoŭ na niekatorych učastkach da 10 chvilin, padkreślili ŭ BČ.