Mužčyna, jaki vybieh na pole ŭ cišotcy z zaklikam ratavać Ukrainu, jeździŭ tudy jak vałancior
Učora padčas hulni Partuhalija — Uruhvaj na čempijanacie śvietu zaŭziatar zładziŭ palityčny pierformans: jon vybieh na pole ź viasiołkavym ściaham i ŭ futbołcy z zaklikami pavažać iranskich žančyn i ratavać Ukrainu.
Fota: Aijaz Rahi / AP
U siecivie chutka identyfikavali mužčynu. Im akazaŭsia italjaniec Maryjo Fiery, jaki raniej pryjazdžaŭ va Ukrainu vałancioram i dapamahaŭ biežancam trapić u Polšču.
«Ja rablu heta sam. Ja płaču za ŭsio i ničoha nie chaču ŭzamien. Na dniach ja ledź nie pabiŭsia, tamu što ŭbačyŭ, jak mužčyna prosić hrošaj za toje, što rablu ja. Heta niedapuščalna, ludzi tut daviedzienyja da rospačy i nielha rabić na hetym biznes. Ja jedu ŭ Lvoŭ, šukaju ludziej, jakim patrebnaja dapamoha. Za miežami Ukrainy poŭna ludziej, jakija hatovyja dapamahčy, ale va Ukrainie mnohija niepakojacca, što ź imi moža niešta zdarycca. I ja im dapamahaju», — raskazvaŭ Fiery ŭ adnym ź intervju.
Taksama ŭ italjanca jość tatuiroŭka z hierbam Ukrainy.