«Fłahštok»: Aktyŭnaść rasijskich vojskaŭ na Homielščynie ciapier najmienšaja za ŭsiu vajnu
Homielskaje vydańnie «Fłahštok» adreahavała na pašyreńnie pa ŭkrainskich telehram-kanałach infarmacyi pra toje, što novy napad z boku Biełarusi na Ukrainu adbudziecca najbližejšym časam (nazyvajucca navat aryjencirovačnyja daty z 15 pa 25 śniežnia). Pavodle «Fłahštoka», u Homielskaj vobłaści nijakich paćvierdžańniaŭ hetamu na ciapierašni momant nie nazirajecca.
Fota ilustracyjnaje
Pavodle infarmacyi «Fłahštoka», u apošni miesiac aktyŭnaść rasijskich sił na terytoryi Homielščyny była najmienšaj za ŭsie 9 miesiacaŭ vajny. Žychary rehijona nazirajuć aktyŭnaść US RF i US RB tolki vakoł starych aeradromaŭ, jakija vykarystoŭvajucca jak miesca raźmiaščeńnia srodkaŭ SPA ŭ Homielskim rajonie (kala vioski Ziabraŭka) i Mazyrskim rajonie (kala vioski Vialiki Bokaŭ).
Vykarystańnie Homielskaha aeraporta taksama nie śviedčyć pra pavieličeńnie vajennaj aktyŭnaści ŭ vobłaści: pa infarmacyi telehram-kanała «Biełaruski Hajun», na praciahu listapada ŭ aeraporcie Homiela byli pryniatyja 3 vajenna-transpartnyja samaloty VKS RF, taksama byli zafiksavanyja adzinkavyja pieramiaščeńni viertalota Mi-8.
Masavaha pieramiaščeńnia vajskovaj techniki pa šašy i čyhunkach Homielskaj vobłaści ciapier taksama nie fiksujecca, śćviardžaje «Fłahštok».
