Źbirajucca pavialičyć padatak na sabak
U Biełarusi ŭ 2023 hodzie płanujuć padniać padatak dla ŭładalnikaŭ sabak. Heta praduhledžvajecca prajektam źmienaŭ u Padatkovy kodeks.
U dakumiencie skazana, što z 2023 hoda padatak dla ŭładalnikaŭ sabak, starejšych za try miesiacy, moža skłaści 11,1 rubla, a dla ŭładalnikaŭ patencyjna niebiaśpiečnych parod sabak — 55,5 rubla.
Padatak dla ŭładalnikaŭ sabak byŭ uviedzieny ŭ Biełarusi z 1 studzienia 2010 hoda. U 2022 hodzie staŭka padatku dla ŭładalnikaŭ sabak była ŭstanoŭlenaja ŭ pamiery 9,3 rubla, a dla ŭładalnikaŭ patencyjna niebiaśpiečnych parod — 46,5 rubla.
Hety padatak vypłačvajecca raz na kvartał. Tak, za I kvartał padatak nieabchodna apłacić da 27 krasavika, za II kvartał — da 27 lipienia, za III — da 27 kastryčnika i za IV — da 27 studzienia.
Adznačajecca, što ad vypłaty padatku vyzvalajucca ŭładalniki sabak, kali ščaniuk małodšy za try miesiacy, i invalidy, dla jakich utrymańnie sabaki-pavadyra — žyćciovaja nieabchodnaść. Akramia taho, padatak nie płaciać uładalniki, jakija žyvuć u pryvatnych damach, pry ŭmovie ŭtrymańnia imi nie bolš za adnu žyviołu.
