Ukraina: Rasija sabatuje «zbožžavuju ŭhodu», vyvozić možna ŭdvaja bolš zbožža
Rasijski bok naŭmysna zaciahvaje nadhlad sudoŭ z hruzam ukrainskaha zbožža, sabatujučy takim čynam dasiahnutyja pry pasiarednictvie Turcyi damoŭlenaści, śćviardžaje ministr infrastruktury Ukrainy Alaksandr Kubrakoŭ.
Pavodle jaho słoŭ, u terytaryjalnych vodach Turcyi sabrałasia čarha z 77 suchahruzaŭ, jakija čakajuć mižnarodnaj inśpiekcyi, a adhruzku zbožža ŭ partach vialikaj Adesy možna było b vieści ŭdvaja bolš aktyŭna: zahruzka hruzavych mahutnaściaŭ ledź daciahvaje da pałovy svajho patencyjału.
«U nas jość vopyt prachodžańnia pa 40 pravierak u dzień, a ciapier z-za pazicyi Rasijskaj Fiederacyi štodnia inśpiektujuć u piać razoŭ mienš sudoŭ», — napisaŭ ministr u fejsbuku.
«U kastryčniku zbožžavaja inicyjatyva dazvoliła vyvieźci 4,2 młn ton zbožža, za listapad my nie vyvieziem i 3 młn ton. Heta prytym što ŭ teoryi my možam zabiaśpiečyć da 6 młn ton štomiesiac», — zapeŭnivaje jon.