70-hadovaja hałoŭnaja buchhałtarka minskaj firmy prysabiečyła amal 600 tysiač rubloŭ
Apieratyŭniki Pieršamajskaha RUUS stalicy ŭstanavili, što 70-hadovaja hałoŭnaja buchhałtarka pryvatnaj łahistyčnaj kampanii bolš za piać hadoŭ zavyšała sabie zarobak, paviedamiła «Milicyja Minska».
Skrynšot videa
Va ŭlikovaj dakumientacyi žančyna pisała pamier svajoj realnaj zarabotnaj płaty, a ŭ bank nakiroŭvała płaciežnyja daručeńni z zavyšanaj sumaj. Pieraličvajučy sabie hrošy, fihurantka aryjentavałasia na toje, kab jaje sumy nie pieravyšali siaredni zarobak top-mieniedžaraŭ. Tamu finansavyja spravazdačy doŭhi čas nie vyklikali padazreńniaŭ.
Takim sposabam rabotnica skrała amal 600 tysiač rubloŭ, jakija tracilisia na asabistyja patreby (zabavy, ekskursijnyja tury i inšaje).
Śledčymi zaviedziena kryminalnaja sprava za kradziež šlacham złoŭžyvańnia słužbovymi paŭnamoctvami, ździejśnieny ŭ asabliva bujnym pamiery.