Łatvija demantavała most na sutyku miežaŭ ź Biełaruśsiu i Rasijaj
Łatvija źniesła piešachodny most cieraz raku Siniucha na styku miežaŭ ź Biełaruśsiu i Rasijaj. Pra svaje namiery łatvijskija pamiežniki zahadzia papiaredzili biełaruskich kalehaŭ, ale zhody na heta nie pytalisia.
«Łatvijski bok abumoŭlivaje nieabchodnaść demantažu mosta praviadzieńniem rabot pa budaŭnictvie inžynierna-techničnaj infrastruktury na łatvijska-biełaruskaj miažy», — zajaviŭ «Viciebskim viestiam» aficyjny pradstaŭnik Połackaha pahranatrada Dzianis Hlebka. Jon taksama adznačyŭ, što znos mosta treba ŭzhadniać pamiž uradami troch dziaržaŭ, bo jon značycca na demarkacyjnych kartach i źjaŭlajecca elemientam pahadnieńnia ab sutyku miežaŭ, padpisanaha ŭ 2010 hodzie.
Źniesieny most znachodziŭsia la tak zvanaha Kurhana Družby — miemaryjalnaha kompleksu, ustalavanaha na sutyku miežaŭ Rasii, Biełarusi i Łatvii 3 lipienia 1959 hoda. Raniej Łatvija źniesła sa svajho boku častku pamiatnaj ekspazicyi, jakaja musiła nahadvać pra supracoŭnictva biełaruskich, rasijskich i łatyšskich savieckich partyzan padčas Druhoj suśvietnaj vajny.
