Źjaviłasia VIDEA, jak łukašenkaŭcy vałakuć mužčynu ŭ trusach na maroz
Heta adbyvajecca ŭ adnym z haradoŭ Viciebskaj vobłaści.
U adnym z kanałaŭ siłavikoŭ źjaviłasia videa, jak dvoje, adzin u zimovaj kurtcy ŭ cyvilnym, druhi ŭ zimovaj kurtcy z nadpisam «HUBOP» — pa-rasiejsku heta značyć «HUBAZ» — vałakuć čałavieka sa źviazanymi za śpinaj rukami pa leśvicy padjezda ŭniz. Nohi mužčyny bjucca ab prystupki, ź ich źlatajuć tapki-słancy. Pa darozie mužčynu niekalki razoŭ udarajuć ab poručni.
Na inšych kadrach taksama demanstrujucca dokazy jahonaj «viny»: biełaruskaja simvolika, antyłukašenkaŭskija nalepki i samarobny płakat: «Protiest nie podavlen, Sił nabirajetsia, V našich sierdcach BČB! Rať biełorusov užie sobirajetsia, Tŝietien tierror KHB!».
Čałavieku, jakoha mučać, staviać u vinu najaŭnaść biełaruskaj simvoliki i pratestavych nalepak
Prytym što zima, łukašenkaŭcy vałakuć čałavieka ŭ trusach i chatnich tapkach na dvor.
Imia hetaha čałavieka nieviadomaje, jak i jahony pravavy status. Kali vy viedajecie pra hetuju spravu bolš ci viedajecie imia zatrymanaha, napišycie nam u telehram @nasa_niva_bot ci na [email protected]. Albo — asabista tym žurnalistam i redaktaram «Našaj Nivy», jakich vy viedajecie i jakim daviarajecie (lepš — u sihnał ci telehram).
«Naša Niva» — bastyjon biełaruščyny
PADTRYMAĆ
