Brytanskaja raźviedka: Rasija pierakidvaje padraździaleńni PDV na ŭschod Ukrainy
Siońniašniaja spravazdača raźviedki brytanskaha minabarony pryśviečana rasijskim padraździaleńniam pavietrana-desantnych vojskaŭ, jakija vajujuć va Ukrainie.
Fota: AP
Za apošnija dva tydni Rasija, vierahodna, pierakinuła asnoŭnyja padraździaleńni PDV na daniecki i łuhanski franty ŭ Danbasie. Ź vieraśnia pa kastryčnik vialikaja častka istotna asłablenych PDV była nakiravana na abaronu terytoryi na pravym bierazie Dniapra ŭ Chiersonskaj vobłaści.
Niekatoryja padraździaleńni PDV ciapier, vierahodna, ukamplektavanyja u tym liku mabilizavanymi rasijanami. Choć hetyja drenna navučanyja vajennyja asłabiać zajaŭleny «elitny» patencyjał PDV, Rasija, chutčej za ŭsio, pa-raniejšamu budzie adpraŭlać desantnikaŭ u siektary, jakija ličacca asabliva važnymi.
Patencyjnyja apieratyŭnyja zadačy PDV uklučajuć padtrymku abarony rajona Kramiannaja — Svatava ŭ Łuhanskaj vobłaści abo ŭzmacnieńnie nastupalnych apieracyj na horad Bachmut Danieckaj vobłaści.
