U Katary ŭ brazilskich zaŭziataraŭ adabrali ściah ich štata z-za vyjavy viasiołki
Brazilski žurnalist Vitar Pierejra raskazaŭ, što prachožy ŭ Katary pamyłkova pryniaŭ ściah brazilskaha štata Piernambuku za simvał ŁHBT i adabraŭ jaho, piša Reuters.
Ściah brazilskaha štata Piernambuku
«Chłopiec u biełym adzieńni schapiŭ ściah, kinuŭ jaho na ziamlu i pačaŭ taptać. Ja dastaŭ telefon, kab źniać heta na videa, ale jon vychapiŭ jaho ŭ mianie z ruk i skazaŭ, što viernie, tolki kali ja vydalu videa. Zatym palicejski prybyŭ i pasprabavaŭ umiašacca. Jon vychapiŭ telefon u taho chłopca i zahadaŭ mnie vydalić videa», — raskazaŭ Pierejra.
Na ściahu brazilskaha štata Piernambuku namalavanaja trochkalarovaja viasiołka z čyrvonaj, žoŭtaj i zialonaj pałosami, a taksama kryž, zorka i sonca. Žurnalist zajaviŭ, što ŭziaŭ jaho z saboj na matč pamiž Arhiencinaj i Saudaŭskaj Aravijaj.
Ale hramadskaja pilnaść u Katary ŭražvaje. Hetym nie pahražaje dehienieracyja!