Litva patrabuje suprać Biełarusi novych sankcyj z-za abvastreńnia mihracyjnaha kryzisu
Pavodle źviestak MUS Litvy, ułady Biełarusi stvarajuć nienaležnyja ŭmovy dla mihrantaŭ, jakija znachodziacca ŭ Biełarusi i nakiroŭvajucca ŭ Litvu, piša Delfi. «Heta jašče adzin raździeł u hrubych parušeńniach pravoŭ čałavieka, jakija my nazirajem u Biełarusi», — zajaviŭ žurnalistam ministr zamiežnych spraŭ Habryelus Łandśbierhis.
Habryelus Łandśbierhis. Fota: DELFI / Josvydas Elinskas
Ministr adznačyŭ, što litoŭcy i raniej «padymali hetyja pytańni, ale ja dumaju, što i hety etap my nie vypuścim z-pad uvahi».
Raniej kiraŭnica Ministerstva ŭnutranych spraŭ Ahne Biłatajcie paviedamiła, što mihranty sprabujuć trapić u Litvu ź Biełarusi ŭ chałodnaje nadvorje basanož, tym samym «akazvajučy cisk na pamiežnikaŭ».
Pa słovach ministarki, nie mienš za dzieviać mihrantaŭ trapili ŭ miedustanovy Litvy paśla taho, jak u listapadzie ich naŭmysna ŭtrymlivali ŭ namiotavych haradkach na biełaruskim baku, nie vypuskali ź ich, u ludziej nie było ciopłaj vopratki, jany nie byli hatovyja da zimovych umoŭ.
Litoŭskija pamiežniki zabiaśpiečvajuć mihrantaŭ humanitarnymi pakietami ź ciopłym adzieńniem i abutkam, ale, jak padkreśliła Biłatajcie, nie adpaviednaje chałodnaj pary hoda adzieńnie mihrantaŭ nie źjaŭlajecca padstavaj dla ich propusku ŭ Litvu.
