Jeŭraparłamient pryznaŭ Rasiju dziaržavaj — sponsaram teraryzmu
Deputaty Jeŭraparłamienta bolšaściu hałasoŭ pryniali rezalucyju ab pryznańni Rasii dziaržavaj — sponsaram teraryzmu. «Za» pryniaćcie dakumienta prahałasavali 494 deputaty, «suprać» — 58, jašče 44 jeŭrapiejskija palityki ŭstrymalisia, piša Bi-bi-si.
Fota: AP
«Jeŭraparłamient … rašuča asudžaje vajennyja złačynstvy i akty teroru suprać cyvilnaha nasielnictva, učynienyja Rasijskaj Fiederacyjaj i jaje pasłuhačami z metaj dasiahnieńnia razburalnych palityčnych metaŭ va Ukrainie i na terytoryi inšych krain, i pryznaje Rasiju jak dziaržavu, jakaja spansaruje teraryzm, i jak dziaržavu, jakaja vykarystoŭvaje terarystyčnyja srodki», — havorycca ŭ dakumiencie.
Dakumient zaklikaje Radu ES uklučyć PVK «Vahnier» i inšyja finansavanyja Rasijaj militaryzavanyja hrupoŭki ŭ pieralik asob, hrup i ŭstanoŭ, uciahnutych u terarystyčnuju dziejnaść, na jakija raspaŭsiudžvajucca adpaviednyja sankcyi ES.