Łukašenkaŭcy źbirajucca addavać kredyt Tavarna-kredytnaj karparacyi ZŠA rublami
Vypłaty ŭ biełaruskich rublach pa kredycie Tavarna-kredytnaj karparacyi ZŠA praduhledžanyja pastanovaj Savieta Ministraŭ i Nacyjanalnaha banka ad 21 listapada 2022 h. № 801/25. Pastanova aficyjna apublikavanaja na Nacyjanalnym pravavym internet-partale.
Tavarna-kredytnaja karparacyja ŭklučanaja ŭ pieralik arhanizacyj, jakim Biełaruś choča vypłačvać źniešnija pazyki ŭ rublach pa aficyjnym kursie da adpaviednaj zamiežnaj valuty na datu płaciažu.
Na hety momant u śpisie kredytoraŭ, asnoŭny doŭh i pracenty pa pazykach jakich režym Łukašenki źbirajecca vypłačvać u biełaruskich rublach, źmiaščajucca piać arhanizacyj. Raniej u hety pieralik byli ŭklučanyja Jeŭrapiejski bank rekanstrukcyi i raźvićcia, Paŭnočny inviestycyjny bank i Mižnarodny bank rekanstrukcyi i raźvićcia, a taksama «Sicibenk n.a., Łondan brend».
