Parłamienckaja asambleja NATA pryznała Rasiju dziaržavaj-terarystam
Parłamienckaja asambleja NATA pryznała Rasijskuju Fiederacyju dziaržavaj-terarystam i zaklikała stvaryć śpiecyjalny mižnarodny trybunał dla pakarańnia złačyncaŭ. Pra heta paviedamiŭ kiraŭnik pastajannaj delehacyi Ukrainy ŭ Parłamienckaj asamblei NATA Jahor Černieŭ.
Pa słovach pradstaŭnika Ukrainy, NATA pryniało rezalucyju, što budzie dapamahać krainie «stolki, kolki budzie patrebna». Rezalucyja była pryniataja adnahałosna.
«Usie 30 krain NATA padtrymali prapanovy našaj delehacyi. Taki trybunał dazvolić asudzić nie tolki niepasrednych vykanaŭcaŭ vajennych złačynstvaŭ, ale i vyšejšaje kiraŭnictva Rasijskaj Fiederacyi. Rezalucyja budzie nakiravana ŭradam i parłamientam usich krain-udzielnic NATA», — napisaŭ Černieŭ.
Taksama Parłamienckaja asambleja NATA pryniała rezalucyju, što pastaŭka ŭzbrajeńniaŭ Ukrainie budzie pavialičanaja. Akramia taho, rezalucyja praduhledžvaje raspracoŭku kankretnych krokaŭ pa ŭvachodžańni Ukrainy ŭ NATA i stvareńnie miechanizma pa spahnańni reparacyj z Rasii za škodu, pryčynienuju Ukrainie.
