Biełaruskija pamiežniki abvinavačvajuć ukraincaŭ u pravakacyi
Biełaruskija pamiežniki abvinavačvajuć ukrainskich siłavikoŭ u pravakacyjach na miažy, paviedamlaje Dziaržpahrankamitet.
Biełaruski bok paviedamlaje pra incydent, jaki nibyta adbyŭsia 19 listapada kala 16.00 u Homielskaj vobłaści.
«Videakamiera ŭ čyhunačnym punkcie propusku Słaviečna (z ukrainskaha boku — Vystupovičy) zafiksavała ruch na terytoryi Ukrainy ŭzbrojenaha čałavieka ŭ kirunku dziaržaŭnaj miažy. Mužčyna niezakonna pierasiek miažu, jakaja prachodzić pa centry čyhunačnaha mosta, i zajšoŭ na terytoryju Biełarusi. Ukrainski vajskoviec rabiŭ fota— i videazdymku miascovaści, a taksama niešta šukaŭ abo ŭstaloŭvaŭ u śniezie. Pravodziacca pravieračnyja mierapryjemstvy», — śćviardžajecca ŭ zajavie biełaruskaha viedamstva.
Ukrainski bok situacyju nie kamientavaŭ.
