Dadona vyzvalili z-pad chatniaha aryštu
Małdaŭskaja Vyšejšaja sudovaja pałata pryniała rašeńnie vyzvalić byłoha prezidenta Małdovy Ihara Dadona z-pad chatniaha aryštu. Jon byŭ źmieščany pad jaho ŭ kancy maja.
Rašeńnie ŭstupić u siłu ŭ niadzielu, 20 listapada, ale pry hetym Dadonu budzie zabaroniena vyjazdžać za miežy krainy.
Dadona abvinavačvajuć u karupcyi, niezakonnym ŭzbahačeńni, zdradzie dziaržavie i finansavańni palityčnaj partyi złačynnaj hrupoŭkaj.
Taksama byłoha prezidenta abvinavačvali ŭ tym, što, zajmajučy pasadu ministra ekanomiki i handlu (prezidentam Dadon byŭ u 2016—2020 hadach), jon padpisaŭ ukaz, na padstavie jakoha ŭ mai 2008 hoda hiendyrektar Energocom zaklučyŭ ź vienhierskaj kampanijaj kantrakt ab zakupcy elektraenierhii pa zavyšanaj canie, naniosšy dziaržavie škodu 11,9 młn dalaraŭ.
Sam eks-prezident całkam admaŭlaje svaju vinu i ličyć, što spravy suprać jaho zaviedzienyja pa palityčnych matyvach.
