U Mahiloŭskim instytucie MUS buduć nahadvać pra najaŭnaść vorahaŭ hołasam Stalina
Mahiloŭski instytut MUS zamoviŭ dla svajoj muziejnaj vystavy aŭdyjasistemu, jakaja budzie havaryć hołasam Iosifa Stalina.
«My imiejem vrahov vnutrieńnich. My imiejem vrahov vniešnich. Ob etom nielzia zabyvať, tovariŝi, ni na odnu minutu», — buduć čuć hołas z mocnym hruzinskim akcentam naviedvalniki muziejnaj ekspazicyi ŭ instytucie, kali padymuć telefonnuju trubku, raźmieščanuju pobač ź biustam savieckaha dyktatara. Biust, darečy, u instytucie ŭžo jość, nabyvać jaho nie płanujuć.
Biust Stalina i jaho hołas, jaki možna pačuć praz telefon, źjaŭlajucca častkaj abjekta «Utvareńnie biełaruskaj milicyi i dziejnaść u davajenny pieryjad». Akramia hetaha, mahiloŭskija milicejskija piedahohi płanujuć padrychtavać abjomnuju dyjaramu «Historyja cialesnych pakarańniaŭ u Rasijskaj impieryi» i abjomnuju dyjaramu ci instalacyju «Hramadzianskaja vajna. Baraćba z bandytyzmam u 20-ja hady XX stahodździa».
Usiaho na stvareńnie hetaj vystavy chočuć vydatkavać 19 tysiač rubloŭ.
