Bajden pavinšavaŭ respublikancaŭ z bolšaściu ŭ Pałacie pradstaŭnikoŭ
Bajden zajaviŭ pra hatoŭnaść pracavać z respublikancami paśla taho, jak CNN i NBC paviedamili ab atrymańni partyjaj bolšaści ŭ Pałacie pradstaŭnikoŭ. Prezident ZŠA ckazaŭ, što vybarščyki nie pryniali prychilnikaŭ palityčnaha hvałtu, piša TASS.
Respublikanskaja partyja ZŠA na pramiežkavych vybarach u Kanhres atrymała bolšaść u Pałacie pradstaŭnikoŭ, zaniaŭšy ŭ joj 218 miescaŭ, pišuć CNN i NBC. Vinšavańni respublikancam nakiravaŭ amierykanski prezident-demakrat Džo Bajden, jaho zajavu apublikavaŭ Bieły dom.
«Ja vinšuju lidara [respublikancaŭ Kievina] Makarci z tym, što respublikancy atrymali bolšaść u Pałacie pradstaŭnikoŭ, i ja hatovy pracavać z respublikancami ŭ Pałacie pradstaŭnikoŭ, kab damahčysia vynikaŭ dla pracujučych siemjaŭ», — napisaŭ jon.
Bajden adznačyŭ, što minułyja 8 listapada vybary pakazali siłu i ŭstojlivaść demakratyi ŭ ZŠA, pakolki da palityčnaha hvałtu, zapałochvańnia i tych, chto admaŭlaje vyniki vybaraŭ, było prajaŭlena «rašučaje nieprymańnie».
CNN źviartaje ŭvahu, što pieramoha respublikancaŭ u Pałacie pradstaŭnikoŭ vykliča źmienu śpikiera, ciapier hetuju pasadu zajmaje Nensi Pełosi. Akramia taho, niahledziačy na mienš paśpiachovy vynik, jaki čakali lidary Respublikanskaj partyi, nižniaja pałata kanhresa zmoža «zrabić žyćcio Biełaha doma nievynosnym da kanca terminu Bajdena», piša partał, pakazaŭšy, što sam prezident pierad vybarami pryznavaŭ ryzyku «ŭskładnieńnia situacyi». NBC kaža, što respublikanskaja bolšaść moža inicyjavać rasśledavańnie kanhresa ŭ dačynieńni da Bajdena.
