Hamielčuka pakarali kałonijaj za «reabilitacyju nacyzmu» i «stvareńnie ekstremisckaha farmiravańnia»
Homielski abłasny sud 15 listapada zaviaršyŭ razhlad kryminalnaj spravy 26-hadovaha Barysa Kima, abvinavačanaha ŭ raspalvańni sacyjalnaj varožaści (č. 1 art. 130) i stvareńni ekstremisckaha farmiravańnia albo ŭdziele ŭ im (č. 1 art. 361-1 Kryminalnaha kodeksa). Sudovy praces pačaŭsia 3 listapada, sudździoj byŭ Rusłan Caruk, paviedamlaje «Viasna».
Padčas sudovaha pracesu. Skrynšot ź videa
Viadoma, što raniej Barysa Kima asudzili za stvareńnie ekstremisckaha farmiravańnia (a mienavita farmiravańnia, dziejnaść jakoha nakiravana na reabilitacyju nacyzmu) i kiraŭnictva takim farmiravańniem, i na padstavie č. 1 art. 361-1 Kryminalnaha kodeksa jamu pryznačana pakarańnie ŭ vyhladzie pazbaŭleńnia voli na try hady.
Jon ža pryznany vinavatym u naŭmysnych dziejańniach, nakiravanych na ŭzbudžeńnie rasavaj, nacyjanalnaj, relihijnaj varožaści, a roŭna ŭ naŭmysnych dziejańniach pa reabilitacyi nacyzmu, i na padstavie č. 1 art. 130 Kryminalnaha kodeksu jamu pryznačanaje pakarańnie ŭ vyhladzie pazbaŭleńnia voli na 3 hady 6 miesiacaŭ.
Šlacham pahłynańnia mienš strohaha pakarańnia, pryznačanaha pa papiarednim prysudzie, bolš strohim, kančatkova abvinavačanamu pryznačyli pakarańnie ŭ vyhladzie pazbaŭleńnia voli na 4 hady 6 miesiacaŭ z adbyvańniem u papraŭčaj kałonii va ŭmovach strohaha režymu.
Padrabiaznaści sudovaha pracesu vyśviatlajucca.
