Kačanava: Nichto ŭ nas nie zabaraniaje razmaŭlać pa-biełarusku
Staršynia Savieta Respubliki vykazałasia pra biełaruskuju movu na sustrečy z moładździu Minska ŭ staličnym Pałacy moładzi. Sustreča prajšła ŭ formie «adkrytaha dyjałohu».
Fota z telehram-kanała Savieta Respubliki
«Viadoma, mova — heta toje, što vyznačaje nas jak nacyju. Ale nasadžać ničoha nie treba. Chočaš — razmaŭlaj na biełaruskaj movie, chočaš — na ruskaj. Ni dla kaho niama nijakich zabaronaŭ», — skazała jana.
Kačanava zajaviła, što siońnia pravodzicca dastatkova šmat mierapryjemstvaŭ pa papularyzacyi biełaruskaj movy: «My vyvučajem svaju historyju, svaju movu, viedajem svaich piśmieńnikaŭ, zachaplajemsia ich tvorami, hladzim śpiektakli na biełaruskaj movie, ale ŭ nas jość i druhaja dziaržaŭnaja mova, i pierakreślivać heta nielha».
«Tamu ŭ škole siońnia my vyvučajem i biełaruskuju, i ruskuju movu, vybirajem testavańnie na ruskaj abo biełaruskaj movie. Ničoha ŭ hetym drennaha niama. Kali ciabie prymušajuć niešta rabić, heta zaŭsiody vyklikaje abureńnie. Tamu ŭ nas nichto nie zabaraniaje razmaŭlać na biełaruskaj movie, nichto nie zabaraniaje razmaŭlać na ruskaj movie», — reziumavała treci čałaviek u dziaržavie.
