Aktyvistcy Svabodnaha prafsajuza mietalistaŭ dali 1,5 hoda kałonii
U sudzie Maskoŭskaha rajona Minska vynieśli prysud palitźniavolenaj aktyvistcy Svabodnaha prafsajuza mietalistaŭ Janinie Małaš. Jaje abvinavacili pavodle č. 1 art. 342 KK (aktyŭny ŭdzieł u dziejańniach, jakija hruba parušajuć hramadski paradak) i prysudzili adzin hod i šeść miesiacaŭ kałonii. Pad vartaj aktyvistka znachodzicca ŭžo siem miesiacaŭ, piša «Viasna».
Raniej Janina pracavała na Minskim elektratechničnym zavodzie imia Kazłova zborščycaj detalaŭ dla elektratransfarmataraŭ, adkul jaje zvolnili pa palityčnych pryčynach u listapadzie 2020 hoda. Da zatrymańnia jana była siabroŭkaj niezaležnaha prafsajuza.
Kryminalnuju spravu suprać Małaš pačali razhladać 14 listapada, a ŭžo na nastupny dzień sudździa Siarhiej Kacar vynies joj prysud. Na voli Janinu čakaje dačka.
