Vykidajecie łupiny ad banana? A darma
Banany i smačnyja, i karysnyja, heta zdarovy pierakus. Ale bananavaja skurka, jakuju my zvyčajna vykidajem, taksama maje kaštoŭnyja ŭłaścivaści i moža być karysnaj.
Fota: pixabay.com
Kali my źjeli banan, my zvyčajna vykidajem łupiny, ale zamiest hetaha varta vykarystać ich, naprykład, u haspadarcy. Kali zalić łupiny vadoj i pakinuć na niekalki hadzin ci navat dzion, atrymajecca sumieś, jakaja moža dobra spracavać jak uhnajeńnie dla raślin. Kalcyj, kalij, fosfar, azot, mahnij i kremnijevaja kisłata, što źmiaščajucca ŭ hetaj sumiesi, uzmacniać raśliny i adpudziać tlu.
Hetaje ŭhnajeńnie nie abaviazkova pavinna być vadkim. Kali vy padsušycie skurku na soncy ci na blasie i zdrobnicie toje, što ŭ vas atrymajecca, atrymajecca paraškovaje ŭhnajeńnie. A možacie i prosta zakapać śviežyja bananavyja skurki la karanioŭ raśliny: jana chutka pierahnije, raślina budzie atrymlivać karysnyja rečyvy.
Čym śpialejšy banan, tym bolš pažyŭnych rečyvaŭ u jaho łupinach. U ich jość fiermienty z bakterycydnymi i supraćhrybkovymi ŭłaścivaściami, što daje mahčymaść vykarystoŭvać ich ŭ miedycynskich metach (tolki pierad hetym dobra pramyjcie skurku). Vas ukusiŭ kamar, udžaliła pčała? Prykładzicie da acioku skurku ad banana siaredzinaj — vam palahčeje.
Łupinami banana možna paliravać mietaličnyja pavierchni, vyraby z naturalnaj skury ci srebra.
A jašče bananavaj skurkaj, jaje ŭnutrannym bokam, dobra aśviažać listy chatnich raślin, zdymać ź ich pył.
Čytajcie taksama:
Recept na vychadnyja: šakaładna-bananavyja francuzskija tosty
Hałavałomka dla chutkich: kolki času vam spatrebicca, kab znajści kata?
Voś 7 prostych łajfchakaŭ, dziakujučy jakim vaša santechnika budzie bliščeć kožny dzień
