Ministr Pinievič raskazaŭ, što z kavidam u Biełarusi na hety momant
Ahulnaja abstanoŭka z COVID-19 u Biełarusi spakojnaja, vialiki pracent pryščeplenych, tamu niama padstaŭ prahnazavać surjoznyja paharšeńni.
Ab hetym zajaviŭ siońnia žurnalistam ministr achovy zdaroŭja Dźmitryj Pinievič.
Jon dadaŭ, što štam, jaki ciapier raspaŭsiudžvajecca, davoli lohki, zachvorvańnie znachodzicca na ŭzroŭni niekalkich pracentaŭ ad pikavych značeńniaŭ. Pry hetym u krainie zachoŭvajecca pastajanny manitorynh situacyi, pavyšajecca hatoŭnaść ustanoŭ i miedpiersanału da reahavańnia na rost kolkaści chvorych.
U krainie stvorana dobraja imunnaja prasłojka za košt taho, što poŭny kurs vakcynacyi suprać COVID-19 prajšło ŭžo 70% nasielnictva.
Surjoznych źmien my nie prahnazujem. Tak, u pačatku vosieni my bačyli niekatoraje pavyšeńnie kolkaści zachvorvańniaŭ, ale ciapier rost skončyŭsia. U toj ža čas my pavinny być hatovyja da luboha raźvićcia padziej. Choć, paŭtarusia, nie prahnazujem surjoznych źmien, ale hatovyja da ich», — skazaŭ Dźmitryj Pinievič.
