Rasija vyvozić ź Biełarusi rakiety?
Za apošnija dva dni ŭ Mačuliščy z RF zafiksavana 8 prylotaŭ Ił-76. Pra toje, z čym mohuć być źviazany ich pryloty ŭ Biełaruś, piša «Biełaruski Hajun».
Za dva dni było pa 2 rejsy na 4 barty z rehistracyjnymi numarami: RF-76605, RA-76767, RA-78789 i RF-76731.
11 listapada samaloty znachodzilisia na aeradromie 3,5—4,5 hadziny, što vielmi doŭha dla razhruzki. 12 listapada jašče daŭžej — 5,5—6,5 hadziny.
U «Hajuna» jość try viersii, navošta Iły prylatajuć u Biełaruś:
1. Zavoz novych rakiet i/abo amunicyi ŭ RB;
2. Vyvaz rakiet i/abo amunicyi z RB u RF;
3. Adnačasovy zavoz i vyvaz roznych typaŭ ŭzbrajeńnia.
«Hajun» ličyć pryjarytetnaj druhuju viersiju i tłumačyć, što jana adzinaja, u jakoj jość šerah uskosnych paćvierdžańniaŭ.
Pa-pieršaje, heta doŭhi čas znachodžańnia na aeradromie.
Pa-druhoje, 9 i 10 listapada, jakraz pierad pačatkam prylotaŭ Ił-76, u napramku aeradroma «Mačuliščy» byli zafiksavanyja minimum 16 trałaŭ z kantejnierami dla rakiet pad ZRK S-300/400 (pa 4 rakietnyja kantejniery na kožnym) — minimum 64 rakiety.
Što ž tyčycca viersij 1 i 3 — to ŭ ich niama pakul nijakich paćvierdžańniaŭ. Vyvazu rakiet abo čahości inšaha z terytoryi aeradroma, paśla mahčymaj razhruzki ź Ił-76, nie zafiksavana. Heta značyć, samaja nierealnaja viersija na hety momant — «prosta zavoz rakiet u RB», a dla paćvierdžańnia dumki pra adnačasovy zavoz i vyvaz roznaj zbroi pakul niedastatkova źviestak.
Ilustracyjny zdymak. Fota: Minabarony
Kudy vyvoziać rakiety?
— aeradrom «Milerava» (Rastoŭskaja vobłaść) — 4 rejsy;
— aeradrom «Rastoŭ-na-Donie-Centralny» (Rastoŭskaja vobłaść) — 2;
— aeradrom «Čkałaŭski» (Maskoŭskaja vobłaść) — 1;
— aeradrom «Siešča» (Branskaja vobłaść) — 1.
Kali zdahadka paćvierdzicca, to idzie pieravozka rakiet u Rastoŭskuju vobłaść Rasii. Heta značyć — zabieśpiačeńnie rakietami hrupoŭki na Łuhanskim i Danieckim kirunku.
