Tak vyhladaje mahiła Ramana Bandarenki praz dva hady paśla jaho zabojstva
31-hadovy žychar Minska, były śpiecnazaviec, pamior u špitali chutkaj dapamohi paśla źbićcia łukašystami ŭ dvary adnaho z damoŭ na Smorhaŭskim trakcie.
Viečaram 11 listapada hrupa łukašystaŭ napała na žycharoŭ žyłoha kompleksu ŭ kvartale miž vulicami Čarviakova, Kachoŭskaj i Smorhaŭskim traktam u Minsku.
U hetym kvartale skłałasia mocnaja supolnaść. Žychary namalavali na adnoj sa ścien murał z «dydžejami pieramien». Łukašysty zamaloŭvali murał roznymi sposabami 14 razoŭ, ale žychary jaho adnaŭlali.
Kala 22-j hadziny 11 listapada ŭ dvor pryjechali hrupa łukašystaŭ u cyvilnym i maskach, pačała zrazać biełaruskija stužki, a potym napała na žycharoŭ, jakija nie davali im hetaha rabić.
Dziakujučy aficeram KDB dy inšych siłavych struktur, jakija pieradali «Bajpołu» aŭdyjazapisy i bilinh telefonaŭ, hetaje abjadnańnie siłavikoŭ praviało detalovaje rasśledavańnie hibieli Ramana Bandarenki. Rasśledavańnie dało padstavy mierkavać, što ŭ hrupie, jakaja napała na žycharoŭ Minska, byli ŭ tym liku dźvie asoby z vuzkaha koła Alaksandra Łukašenki: jaho pres-sakratarka Natalla Ejsmant i chakiejny trenier Dźmitryj Baskaŭ. Biŭ Ramana Bandarenku, imavierna, ich chaŭruśnik — kikbaksior, supracoŭnik MUS Dźmitryj Šakuta. Paśla hibieli Ramana Bandarenki Śledčy kamitet i prakuratura nie praviali naležnaha rasśledavańnia, a Alaksandr Łukašenka ŭźvioŭ chakieista Baskava ŭ ranh sienatara.
Čytajcie taksama: «Usie dziejańni ŭładaŭ spryjajuć tamu, kab biełarusy ŭ vyniku pieramahli». Siastra Ramana Bandarenki — pra dva hady biez brata i svoj śviet ciapier
«Płošča Pieramien» paśla hibieli Ramana Bandarenki FOTY
Źjaviłasia dadatkovaje rasśledavańnie pa śmierci Bandarenki. Jakija novyja rečy adtul viadomyja?
