Ekskursavoda Ihara Chmaru asudzili da «chatniaj chimii»
U sudzie Maskoŭskaha rajona Minska vynieśli prysud ekskursavodu Iharu Chmary. Jamu dali 2,5 hoda «chatniaj chimii», napisali siabry ŭ sacsietkach. Chłopca sudzili pa spravie ab hrubym parušeńni paradku (častka 1 artykuła 342 KK) padčas udziełu ŭ mitynhu 16 žniŭnia 2020 hoda.
U sudzie Chmara pryznaŭ vinu i skazaŭ, što raskajvajecca ŭ svaich dziejańniach i «źmianiŭ žyćciovyja pryjarytety». Na pasiadžeńni taksama paviedamili, što 8 žniŭnia Chmara napisaŭ jaŭku z pavinnaj «na padstavie fota ŭ instahramie» za 16 žniŭnia 2020 hoda.
Ekskursavoda zatrymali ŭ pačatku žniŭnia. Viečaram Chmara pravodziŭ ekskursiju pa Sierabrancy, a paviedamleńnie ab jaho zatrymańni źjaviłasia bližej da nočy. Heta była druhaja padobnaja ekskursija, zbor na jakuju jon abviaściŭ u svaich sacsietkach — udzieł byŭ biaspłatnym.
Na ŭčarašnim pasiadžeńni prakuror zapatrabavaŭ 2,5 hoda «chatniaj chimii», stolki ž daŭ sudździa. Ihara vyzvalili ŭ zale suda.
