Siłaviki razhramili kvateru muža pres-sakratarki Pałka Kalinoŭskaha
Siłaviki praciahvajuć pakazalny razhrom žylla znakavych asob antyłukašenkaŭskaha supracivu, jakija sami znachodziacca nie ŭ miežach ichniaj dasiahalnaści. Siońnia ŭ adnym z praŭładnych kanałaŭ źmieščany rolik, na jakim źniataja razhromlenaja kvatera muža pres-sakratarki Pałka Kalinoŭskaha Kryściny «Čabor».
U roliku źniataja kvatera da pieratrusu, a zatym pakazanyja jaho nastupstvy: pałamanaja mebla, raskidanyja rečy, pierakulenyja šafy dy inšaje.
Na minułym tydni była razhromlena kvatera samoj Kryściny.
Raniej byli razhromlenyja kvatery šerahu palituciekačoŭ ci ich svajakoŭ. Siarod ich — Janina Sazanovič, Vadzim Prakopjeŭ, Andrej Pavuk, Juljana Šamietaviec, Anton Matolka. Byŭ razhromleny taksama dom, dzie raniej žyła siamja Valeryja i Vieraniki Capkałaŭ.
