Ukrainskaja pošta pakazała eskiz kaladnaj marki, stvorany školnicaj FOTA
Va Ukrainie zaviaršyŭsia konkurs eskizaŭ paštovaj marki «Z Kaladami i Novym hodam», jaki pravodziła «Ukrpošta».
Pa vynikach hałasavańnia pieramožcam byŭ nazvany malunak školnicy z pryfrantavoha Mikałajeva.
Bolšaść ludziej, jakija ŭziali ŭdzieł u hałasavańni, kranuła ilustracyja «Raźjadnanyja vajnoj», stvoranaja 11-kłaśnicaj Valeryjaj Michajłavaj.
Na eskizie namalavanaja dziaŭčyna i ŭkrainski vajskoviec, jakija sustrakajuć śviata paasobku: jana — u adzinocie pad upryhožanaj hirlandami jołkaj, jon — na linii frontu siarod vybuchaŭ.
Niezdarma hetaja ilustracyja stała lidaram anłajn-hałasavańnia.
«Zaraz miljony tych, chto niasie ŭ sabie bol rasstańnia ź lubimymi. I miljony tych, kamu zastajecca tolki ŭ dumkach abdymać ich na adlehłaści. I miljony tych, chto maryć pra cichi 2023 hod dla Ukrainy i dla kožnaha z nas», — paviedamlaje Ukrpošta.
Novaja kaladnaja paštovaja marka budzie vypuščana ŭ śniežni.
