Z 8 pa 14 listapada abanienty A1 zmohuć biaspłatna karystacca mabilnym internetam
Najbližejšy tydzień luby abanient sietki A1 zmoža karystacca mabilnaj sietkaj całkam biaspłatna. Reč u tym, što kampanija pravodzić testavańnie i naładku svajoj 4G-sietki, tamu daje mahčymaść karystalnikam pa ŭsioj krainie ŭłasnaručna pratestavać źmieny i acanić bolš vysokuju jakaść mabilnaha internetu ŭ častotnym dyjapazonie 2600 MHc na kala 1,5 tysiač bazavych stancyj pa ŭsioj terytoryi Biełarusi.
Jak paviedamili ŭ kampanii, ciapier za bieśpierabojnuju pracu 4G «adkazvaje» dyjapazon 1800 MHc, jaki zabiaśpiečvaje nasielenyja punkty suviaźziu čaćviortaha pakaleńnia. A častoty 2600 MHc dazvolać pavialičyć jomistaść sietki — kolkaść abanientaŭ, jakija karystajucca joj adnačasova.
Kab pravieryć pracu pry maksimalnych nahruzkach, A1 i padaryŭ abanientam tydzień biaspłatnaha internetu biez abmiežavańniaŭ pa abjomie i chutkaści. Dla hetaha nieabchodna aktyvavać akcyjny pakiet bieźlimitnaha internetu «Spampuj uvieś internet!» dla vykarystańnia ŭ sietcy 4G.
