Krainy G7 zaklikali Łukašenku nie ŭciahvać Biełaruś u vajnu i paabiacali «niepasilnyja dadatkovyja vydatki»
Ministry zamiežnych spraŭ krain «Vialikaj siamiorki» zaklikali Alaksandra Łukašenku spynić padtrymlivać rasijskuju vajnu i nie ŭciahvać u jaje Biełaruś. Pra heta havorycca ŭ sumiesnaj zajavie pa vynikach ich sumiesnaha pasiadžeńnia 4 listapada ŭ niamieckim Miunstary, piša «Jeŭrapiejskaja praŭda».
Padčas sustrečy ŭ Miunstary. Fota: tagesschau.de
«My znoŭ zaklikajem biełaruskija ŭłady spynić spryjać rasijskaj ahresiŭnaj vajnie, u tym liku dazvalać rasijskim Uzbrojenym siłam vykarystoŭvać biełaruskuju terytoryju dla zapusku rakiet, nakiravanych na Ukrainu.
Kali biełaruskija ŭłady buduć jašče bolš naŭprost uciahvać Biełaruś u vajnu Rasii, G7 nakładzie na režym niepasilnyja dadatkovyja vydatki», — havorycca ŭ zajavie.
U zajavie adznačajecca, što krainy G7 praciahnuć nakładać ekanamičnyja sankcyi na Rasiju i inšyja krainy, fizičnych abo jurydyčnych asob, jakija akazvajuć vajennuju padtrymku ahresiŭnaj vajnie Maskvy. Niekatoryja ŭžo akazali takuju padtrymku — naprykład, Iran, jaki daŭ Rasii bieśpiłotnyja latajučyja aparaty.
