Si Czińpin vyrazna skazaŭ, što vystupaje suprać prymianieńnia jadziernaj zbroi ŭ Jeŭropie
Staršynia KNR Si Czińpin zajaviŭ kancleru Hiermanii Ołafu Šolcu, što jon vystupaje suprać prymianieńnia jadziernaj zbroi ŭ Jeŭropie, piša Bloomberg.
Ołaf Šolc i Si Czińpin. Fota: Kay Nietfeld/Pool Photo via AP
Zajava Si Czińpina stała samym pramym jaho vykazvańniem adnosna nieabchodnaści ŭtrymać vajnu Rasii va Ukrainie ad eskałacyi. Padčas pieršych asabistych pieramoŭ dvuch lidaraŭ u piatnicu ŭ Piekinie Si Czińpin zaklikaŭ mižnarodnuju supolnaść «vyklučyć pahrozu jadziernaj zbroi i vystupić suprać jadziernaj vajny, kab «praduchilić kryzis» na jeŭrazijskim kantyniencie».
Kitajski lidar taksama adznačyŭ ahulnuju nieabchodnaść zabieśpiačeńnia stabilnaści łancuhoŭ pastavak praduktaŭ charčavańnia i enierhanośbitaŭ, jakija byli zakranutyja ŭvarvańniem Rasii va Ukrainu.
Kamientary Si Czińpina pasyłajuć vyrazny sihnał Pucinu, što jadziernyja pahrozy źjaŭlajucca čyrvonaj linijaj dla Kitaja, i śviedčać pra ahulnaść u peŭnaj stupieni pazicyj Piekina i Brusiela.
