Suprać Vadzima Prakopjeva «i inšych asobaŭ» zaviali spravu za stvareńnie «ekstremisckaha farmiravańnia»
Pra zaviadzieńnie kryminalnaj spravy ŭ dačynieńni da byłoha restaratara i adnaho z arhanizataraŭ pałka «Pahonia» Vadzima Prakopjeva «i inšych asob» za stvareńnie «ekstremisckaha farmiravańnia» paviedamiła pres-słužba MUS.
«U Varšavie stvorany viarbovačny i finansavy centr tak zvanaha pałka «Pahonia», što zajmajecca adboram mužčyn va ŭzroście ad 20 da 45 hadoŭ, jakija majuć dośvied vajskovaj słužby. Navučańnie i zładžvańnie bajevikoŭ viadziecca zamiežnymi instruktarami na terytoryjach Čechii, Polščy i Ukrainy. Adnymi z arhanizataraŭ hetaha ekstremisckaha farmiravańnia źjaŭlajucca Vadzim Prakopjeŭ i Valeryj Sachaščyk», — havorycca ŭ paviedamleńni MUS u telehram-kanale.
Pavodle infarmacyi viedamstva, śledčymi ŭ dačynieńni da Prakopjeva i inšych asob raspačataja kryminalnaja sprava za stvareńnie «ekstremisckaha farmiravańnia» albo ŭdzieł u im.
