Śpis «ekstremistaŭ» MUS papoŭniŭsia adrazu 244-ma proźviščami
MUS 4 listapada papoŭniŭ «Pieralik asobaŭ, datyčnych da ekstremiskaj dziejnaści» — śpis abnaviŭsia adrazu na 244 proźviščy. Heta biełarusy i hramadzianie inšych dziaržavaŭ, jakija pieraśledujucca ci pieraśledavalisia pa «palityčnych» kryminalnych artykułach u Biełarusi, paviedamlaje «Viasna».
Padčas suda pa «spravie Cichanoŭskaha»
Siarod hetych ludziej ciapier — błohier, žurnalist i futbalist «Krumkačoŭ» Alaksandr Ivulin, rasijanka Viera Ćvikievič, čyj fotazdymak byŭ na pieršaj pałasie biełaruskaj «Kamsamolskaj praŭdy» ŭ žniŭni 2020-ha, eks-kiraŭnik «Achovy ptušak Baćkaŭščyny» Viktar Fienčuk, žonka palitźniavolenaha Anatola Łatuški — Alena Łatuška, muzyki hurta «Irdorath» Nadzieja i Uładzimir Kałač, byłaja kiraŭnica arhanizacyi «Radzisłava» Volha Harbunova, fihuranty «spravy Cichanoŭskaha» Siarhiej Cichanoŭski, Mikałaj Statkievič, Ihar Łosik, Uładzimir Cyhanovič, Arciom Sakaŭ, Dźmitryj Papoŭ, žurnalist «Svabody» Aleh Hruździłovič (jaki vyjšaŭ pa pamiłavańni, adnak u Śpisie paznačana, što jon adbyvaje pakarańnie).
Poŭny śpis dadadzienych da śpisu ludziej hladzicie tut.
Ciapier u Śpisie «ekstremistaŭ» — 1714 čałaviek.