Biełaruski futbalist uziaŭ rasijski pašpart u spadzievie zahulać za zbornuju RF. Ale akazaŭsia niezapatrabavany i viarnuŭsia
Na tavaryskija matčy suprać Siryi i Amana ŭ nacyjanalnuju zbornuju Biełarusi vyklikali 23-hadovaha paŭabaroncu rasijskaha «Arenburha» Kiryła Kaplenku.
Kaliści jon padavaŭ vialikija nadziei — u 18 hadoŭ debiutavaŭ za asnoŭny skład pieciarburhskaha «Zienita». Tady ž jon admoviŭsia ad vykliku ŭ moładzievuju zbornuju Biełarusi i staŭ hulać za Rasiju.
Paśla z-za traŭmy imklivaja karjera hulca zapavoliłasia, a z «Zienita» jon pierajšoŭ u mienš statusny «Arenburh» i staŭ zabanienaj paŭsiul zbornaj Rasii niepatrebny. I adrazu pryniaŭ zaprašeńnie biełaruskaj nacyjanałki.
«Da biełarusaŭ adpuścili z umovaj, što budzie tam kapitanam i daduć hulać pa 90 chvilin! A kali biez žartaŭ, to heta taksama niadrenna. Usio ž taki mižnarodny vopyt nikomu nie naškodzić — ni jamu, ni nam unutry kamandy. Niachaj chłopiec raźvivajecca», — zajaviŭ spartovy dyrektar «Arenburha» Dźmitryj Andrejeŭ.