U Japonii stvaryli praściny i koŭdry, jakija imitujuć katoŭ
Supracoŭnica japonskaj kampanii Nissen, jakaja vyrablaje adzieńnie i tavary dla doma, sutyknułasia z prablemaj: joj vielmi chaciełasia zavieści kata, ale ŭ kvatery, dzie jana žyvie, heta zabaroniena. Kotakaviarni nie ratavali — žyvioły ŭ ich nie zaŭsiody zhadžalisia na łasku. Tady ŭ Nissen vyrašyli dapamahčy svajoj supracoŭnicy i inšym ludziam u takoj situacyi.
U firmie raspracavali śpiecyjalnyja praściny i koŭdry, pry dotyku da jakich źjaŭlajecca adčuvańnie, što vy hładzicie kata.
Materyjał nazvali Neko Feel — Cat Feel, jaho stvaralniki kansultavalisia z supracoŭnikami kampanii, u jakich doma žyvuć hadavancy.
Paścielnaja bializna dastupnaja ŭ dvuch kolerach — Russian Blue (šery) abo Scottish Fold (bežavy). Jany adpaviadajuć afarboŭkam ruskaj błakitnaj i šatłandskaj visłavuchaj parodaŭ katoŭ.
Kaštujuć takija praściny i koŭdry ad 13 da 40 dalaraŭ, u zaležnaści ad pamieraŭ. Vytvorcy kažuć, što pieršuju partyju raskupili amal imhnienna.
u čym prablema-to?