Jašče 10 advakataŭ pazbaŭlajuć prava na prafiesiju
3 listapada kvalifikacyjnaja kamisija pa pytańniach advakackaj dziejnaści Ministerstva justycyi praviała čarhovuju atestacyju advakataŭ. Jak i zvyčajna ŭ apošnija dva hady, prajšli jaje nie ŭsie, 10 čałaviek pa roznych pryčynach pryznali da dalejšaha vykanańnia abaviazkaŭ nieprydatnymi.
Tak, kamisija pastanaviła, što advakat Ludmiła Asijeŭskaja nie moža vykonvać svaje abaviazki «z pryčyny niedastatkovaj kvalifikacyi», choć dahetul jana pracavała advakatam šmat hadoŭ i ničoha joj nie zaminała.
Taksama pryniatyja pastanovy ab mahčymaści spynieńnia dziejańnia licenzij u dačynieńni jašče da dzieviaci advakataŭ. Uładzimira Anhielskaha, Viktoryju Hulkovu, Alaksandra Jemialjanienku, Atary Žukava, Michaiła Makarava i Anastasiju Sahanovič takaja dola spaścihła «ŭ suviazi z prymianieńniem da advakataŭ dyscyplinarnych spahnańniaŭ u vyhladzie vyklučeńnia z terytaryjalnych kalehij advakataŭ za ździajśnieńnie pravin, niesumiaščalnych sa zvańniem advakata», a Alena Hrybok, Siarhiej Kišanioŭ i Dźmitryj Mironienka taksama nibyta nie majuć patrebnaj kvalifikacyi.
Masavaje pazbaŭleńnie advakataŭ licenzij na ažyćciaŭleńnie prafiesijnaj dziejnaści ŭ apošnija hady prymianiajecca pieradusim pa pryčynie ich zaanhažavanaści ŭ abaronu palityčnych źniavolenych.