ISW: Pucin ź jaho zaklikami da kankurencyi ŭ vajennaj pramysłovaści adarvany ad realnaści
«Prezident Rasii Uładzimir Pucin ź jaho zaklikami zabiaśpiečyć kankurentnazdolnuju vajskovuju pramysłovaść adarvany ad realnaści ŭ vyhladzie [razarvanych] łancužkoŭ pastavak u Rasii i prablem vajskovaj pramysłovaj bazy», — piša amierykanski Instytut vyvučeńnia vajny (ISW) u čarhovaj zvodcy-analizie pra vajnu va Ukrainie, piša Bi-bi-si.
U sieradu Pucin na naradzie navastvoranaha Kaardynacyjnaha kamiteta pa zabieśpiačeńni Uzbrojenych Sił Rasii zaklikaŭ zabiaśpiečyć «aktyŭnuju kankurencyju vytvorcaŭ i raspracoŭščykaŭ» zbroi, vajennaj techniki i ekipiroŭki.
ISW nahadvaje, što Rasija kuplaje drony i, mahčyma, balistyčnyja rakiety ŭ Irana, a taksama, jak śćviardžaje amierykanskaja raźviedka, zakupiła artyleryjskija snarady ŭ Paŭnočnaj Karei (usie try krainy zapeŭnivajuć, što ničoha takoha nie było).
«Zaležnaść Rasii ŭ častcy najvažniejšych typaŭ uzbrajeńnia ad krain, jakija znachodziacca ŭ izalacyi i pad ciažkimi sankcyjami, nie ŭzhadniajecca z patrabavańniem Pucina, kab rasijskaja vajskovaja pramysłovaść u najbližejšaj pierśpiektyvie stała vysokakankurentnaj i pačała zadavalniać patreby rasijskich Uzbrojenych sił», — zaŭvažajuć analityki ISW.
