Štučny intelekt navučyŭsia pa siatčatcy pradkazvać ryzyku sardečnych zachvorvańniaŭ za chvilinu
Skanavańnie vačej moža istotna palehčyć skryninh sardečna-sasudzistych zachvorvańniaŭ.
Fota: Pixabay
Prahramnaje zabieśpiačeńnie, raspracavanaje z dapamohaj mašynnaha navučańnia, moža być vykarystana dla prahnazavańnia ryzyki sardečnych zachvorvańniaŭ mienš čym za chvilinu šlacham analizu vien i arteryj u vačach, raspaviadaje The Verge.
Novaje daśledavańnie adkryvaje šlach dla raźvićcia chutkich i tannych sardečna-sasudzistych skryninhaŭ, kali vyniki buduć paćvierdžany ŭ budučych kliničnych vyprabavańniach. Hetyja ahlady dazvolili b ludziam daviedacca pra ryzyku insultu i sercavych spochvataŭ bieź nieabchodnaści analizaŭ kryvi ci navat vymiareńnia arteryjalnaha cisku.
Prahramnaje zabieśpiačeńnie pracuje, analizujučy sietku kryvianosnych sasudaŭ u siatčatcy voka. Jano vymiaraje ahulnuju płošču, pakrytuju hetymi arteryjami i vienami, a taksama ich šyryniu i «źvilistaść» (nakolki jany vyhnutyja). Na ŭsie hetyja faktary ŭpłyvaje zdaroŭje serca čałavieka, što dazvalaje prahramnamu zabieśpiačeńniu rabić prahnozy ab ryzycy sardečnych zachvorvańniaŭ, prosta hledziačy na zdymak jaho voka.
Daśledavańni pakazvajuć, što štučny intelekt moža vyjaŭlać ceły šerah zachvorvańniaŭ, ad dyjabietu da chvaroby Alchiejmiera.
Pryłady dyjahnastavańnia znachodziacca na roznych stadyjach raspracoŭki, ale pakul zastajucca pytańni nakont nadziejnaści i ŭniviersalnaści ich dyjahnostyki.
