Hirkin nibyta pajechaŭ vajavać, za ŭziaćcie jaho ŭ pałon abiacajuć vialikija hrošy
Karystalniki internetu źviarnuli ŭvahu, što zvyčajna aktyŭny były «ministr abarony DNR» Ihar Hirkin źnik z publičnaj prastory.
Žonka Hirkina Mirasłava Rahinskaja apublikavała ich sumiesnaje fota, dzie sieparatyst apranuty ŭ vajskovuju formu. Jana dadała, ź im usio dobra i jon chutka vyjdzie na suviaź.
Paśla hetaha ŭkrainski aktyvist Siarhiej Ściarnienka napisaŭ, što daść z asabistych źbieražeńniaŭ 10 tysiač dalaraŭ tamu, chto voźmie Hirkina ŭ pałon.
Da Ściarnienki dałučylisia lidar hurta «Antitiła» Taras Tapola, vajskoviec i piśmieńnik Valeryj Markus, tenisist Siarhiej Stachoŭski i staršynia Łuhanskaj abładministracyi Siarhiej Hajdaj — kožny taksama pa 10 tysiač dalaraŭ.
Takim čynam, pa stanie na ranak niadzieli za žyvoha pałonnaha Hirkina abiacajuć 50 tysiač dalaraŭ.
«Adčuvaju, što nam u bahažniku jaho mohuć pryvieźci buraty», — padsumavaŭ Ściarnienka.
zdraśtie)
ja vaŝie-ta žiesťŝina)
na NN v eto let 10 po načału povieriť nie mohli)
no potom vrodie kak povierili..(?)