Dvoje kiroŭcaŭ zahinuli ŭ łabavym sutyknieńni pad Lidaj
Śledčy kamitet paviedamiŭ, što ranicaj u piatnicu ŭ Lidskim rajonie adbyłosia DTZ, u jakim zahinuli dva čałavieki, jašče adzin trapiŭ u balnicu.
Skrynšot ź videa
«Pavodle źviestak śledstva, ranicaj 7 kastryčnika na 69 kiłamietry aŭtadarohi M-11 38-hadovy kiroŭca Peugeot na zakruhleńni darohi vyjechaŭ na sustrečnuju pałasu ruchu, dzie ździejśniŭ łabavoje sutyknieńnie z aŭtamabilem Audi pad kiravańniem 50-hadovaha mužčyny. U vyniku DTZ abodva kiroŭcy ad atrymanych traŭm pamierli na miescy. Pasažyr Audi špitalizavany, jamu akazvajecca miedycynskaja dapamoha», — havorycca ŭ paviedamleńni.
Pa fakcie hetaha zdareńnia raspačali kryminalnuju spravu pavodle č. 2 art. 317 (parušeńnie praviłaŭ darožnaha ruchu, što paciahnuła pa nieaściarožnaści śmierć čałavieka) Kryminalnaha kodeksa.
