Aleksijevič pra Bialackaha: Zasłužyŭ — heta mała skazać
Nobieleŭskaja łaŭreatka Śviatłana Aleksijevič taksama pavinšavała Alesia Bialackaha z atrymańniem Nobieleŭskaj premii miru, piša @pozirkonline.
Fota: AP
— Liču Bialackaha mifałahičnaj fihuraj biełaruskaj baraćby. Zasłužyŭ — hetaha mała skazać. Heta ŭžo daŭno jaho premija, — skazała łaŭreatka Nobieleŭskaj premii pa litaratury Śviatłana Aleksijevič. — Toje, što zrabiła i robić u hetych umovach stvoranaja im «Viasna», — heta ŭ jaho duchu, u jaho fiłasofii. Ja vielmi rada.
Aleksijevič sumniavajecca, što paśla hetaha Bialackaha vypuściać z turmy.
— Viedaju, što Aleś surjozna chvory. My ŭsie pavinny kazać pra toje, što jamu treba być na voli, sa svaim narodam, — ličyć Aleksijevič. — Što zrobić ź im ułada, ciažka ŭjavić, ale taki čałaviek nie moža być u turmie — heta prynižeńnie i naroda, i samoj ułady, kali jana heta razumieje.
