Znajści
Ałharytmičny łacinski varyjant
05.10.2022 / 13:0410RusŁacBieł

U siecivie žartam dałučyli Kalininhradskuju vobłaść da Čechii. Rasija aburyłasia

Češski deputat Jeŭraparłamienta Tomaš Zdechoŭski padzialiŭsia ŭ siabie ŭ tvitary humarystyčnaj kartaj, stvoranaj polskim internet-karystalnikam. Karta pakazvaje hipatetyčny padzieł Kalininhradskaj vobłaści Rasii pamiž Polščaj i Čechijaj. Rasijanie žartaŭ nie acanili. 

Adzin z ananimnych karystalnikaŭ tvitara apublikavaŭ u svaim akaŭncie kartu, jakaja dzialiła Kalininhradskuju vobłaść na dźvie častki. Adna ź ich naležała Polščy, a inšaja — Čechii. Pad humarystyčnaj karcinkaj byŭ podpis: «Čas padzialić Kalininhrad tak, kab u našych bratoŭ-čechaŭ narešcie byŭ vychad da mora».

Internet-karcinka stała nabirać papularnaść, joj dzialilisia navat češskija palityki. Jeŭradeputat Tomaš Zdechoŭski napisaŭ: «Jak ža tut nie lubić palakaŭ?»

Čechi masava padchapili ideju i stali spasyłacca na niadaŭna praviedzienyja va Ukrainie psieŭdarefierendumy. Jany navat stvaryli profil «novaj terytoryi» ŭ tvitary.

«Sardečna zaprašajem u aficyjny profil horada Královec. Paśla paśpiachovaha refierendumu 97,9% žycharoŭ Kalininhrada vyrašyli abjadnacca z Čechijaj i pierajmienavać Kalininhrad u Královec», — havorycca ŭ paviedamleńni.

«Refierendum» pravioŭ u svaim profili Tomaš Zdechoŭski — jon spytaŭ u im, ci pavinien Kalininhrad być polska-češskim, daŭšy na vybar tolki dva adkazy: «tak» i «adnaznačna tak».

Jość taksama žartaŭlivyja karcinki ministra zamiežnych spraŭ Čechii z prezidentam ZŠA Džo Bajdenam.

Jeŭradeputat Zdechoŭski nahadaŭ, što Kalininhrad byŭ zasnavany ŭ honar češskaha karala Pržemysła Otakara II.

Ale mnohija rasijskija šavinistyčnyja internet-partały ŭspryniali žart surjozna. Partał EurAsia Daily vielmi surjozna pastaviŭsia da satyryčnaha dopisu palityka. EurAsia Daily apublikavaŭ artykuł z abureńniem, dzie apisvaje «sumnieŭnuju ideju» praviadzieńnia refierendumu ab padziele Kalininhradskaj vobłaści.

Žart pačaŭ žyć svaim žyćciom, i surjoznaje abureńnie rasijan pakazała, nakolki nizki intelektualny ŭzrovień u tamtejšych prapahandystaŭ.

Jeŭradeputat Zdechoŭski taksama adznačyŭ, što rasijanie staviacca da siabie zanadta surjozna, jak u pytańniach palityki, tak i ŭ mižnarodnych adnosinach. Jon zajaviŭ, što «treba pakazać Maskvie, što jany nie bajacca jaje i jaje pahroz, i hatovyja padtrymać Ukrainu ŭ jaje baraćbie za viartańnie ŭsich jaje terytoryj».

Taksama palityk dadaŭ, što Rasija pavinna mocna pieraasensavać svaje dziejańni na mižnarodnaj arenie.

Akramia taho, u internecie była stvoranaja pietycyja pra anieksiju Kalininhrada Čechijaj, kab pakazać, nakolki absurdnyja psieŭdarefierendumy na akupavanych terytoryjach Ukrainy. 

«Jak pakazała nam Rasija ŭ Krymie, a ciapier pakazvaje na ŭschodzie Ukrainy, całkam narmalna ŭvajści na terytoryju zamiežnaj dziaržavy, abviaścić tam refierendum, a zatym anieksavać jaje», — pišuć aŭtary pietycyi.

«Padčas svajho isnavańnia horad naležaŭ Prusii, Polščy, Hiermanii, a ciapier i Rasii. My miarkujem, što Rasija zanadta doŭha hulała z Kalininhradam, i pryjšoŭ čas znoŭ addać jaho ŭ novyja ruki. I pakolki horad byŭ zasnavany ŭ honar češskaha karala, jon pavinien pierajści ŭ ruki zakonnaha ŭładalnika», — pierakonvajuć aŭtary pietycyi.

«U nas jość unikalnaja mahčymaść pašyryć terytoryju Čechii i, narešcie, atrymać dostup da mora. Tamu my patrabujem ad urada Češskaj Respubliki adpravić češskich sałdat u Kalininhrad, abviaścić tam refierendum, jaki zavieršycca vynikam 98 adsotkaŭ za dałučeńnie da Čechii, a zatym anieksavać Kalininhrad», — havorycca ŭ žartaŭlivaj pietycyi.

«Jakaja jašče češskaja viza ŭ Kalininhrad?»

«Jak napisana ŭ Biblii, kali čechi chočuć Kalininhrad, niachaj jon budzie ŭ ich…»

«Niepieramožny Češski fłot. Nie prajhraŭ jašče nivodnaj marskoj bitvy»

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
70
Панылы сорам
2
Ха-ха
82
Ого
2
Сумна
1
Абуральна
0
0
Yuri/adkazać/
05.10.2022
Nu i Karielija ce Finlandija, pora istoričieskuju spraviedlivosť vosstanoviť.
0
Vołšiebnik /adkazać/
06.10.2022
Yuri, a Smolensk biełorusskij horod izdavna
1
Pcič/adkazać/
06.10.2022
Prusy bałckija narody, ściah pavinny być žoŭta-zialona-čyrvony, było b spraviadliva. Hałoŭny horad Karalaŭčus. A tak atrymaŭsia žart nievuka...
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
PNSRČCPTSBND
12345
6789101112
13141516171819
20212223242526
2728293031